紅豆烘焙 (西洋菜南街)

營業中

休息中

平日下午去買，唔需要排隊，店員都好細心咁幫我將兩隻味道嘅布甸分開咁放。1.朱古力榴槤市甸（$15）買左一段時間，番到去氣炸鍋180 度3分鐘，個法包就會好脆，而且啲布甸都係流心；而榴槤布甸都好香好濃，不過我覺得佢嘅敗筆係最面個個朱古力醬。當食到好甜嘅榴槤布甸加上朱古力味就有啲奇怪，反而齋食榴槤就無咁甜，仲好香，個包仲可以平衡番榴槤嘅甜。2.法式芒果楊枝甘露布甸包（$15）呢個咁新款布甸都唔錯，最面係楊枝甘露味，而下面就係芒果味。不過楊枝甘露味就比較失色，比較似糖漿味，食落口會落左係芒果味，好彩有個法包可以食落口變左無咁甜，如果齋食布甸就會好甜。