Oui Oui Bistro (已結業)

大半年同朋友黎oui oui bistro食過一次，覺得係非常唔錯既餐廳，所以岩岩個周末就帶男友去試下。店內裝修平實，但卻坐得舒服😌先黎個開胃菜凱撒沙律🥗平時食開既Caesar salad比人感覺將所有野炒埋一碟就算，但呢度感覺上各樣食材既分量有用心量過，所以唔會覺得好似食左太多草，或者食左成口芝士太膩👍🏻佢地用既煙肉亦都唔會太鹹，不過個人覺得煙肉分量適當減少會再好啲。呢個foie gras and ham crepe賣相精緻，foie gras 本身係一樣食落幾膩既野，但係佢配左ham同大量生菜，除左令口感更豐富有層次外，亦都有助減少foie gras既腥味，更易入口😋最後再黎一個All day breakfast, 呢道菜用上酥脆既牛角包，更加香口，煙肉同肉腸既分量相對減少，令整道菜既味道更加平均，一改大家對傳統All day breakfast 既印象👍🏻埋單一人二百蚊左右，性價比高。一向嘴刁既男友都話大滿足！