Achacha Food & Beverage Boutique (已結業)

今晚來開Megabox呢度睇家私，就順便食埋晚飯先走。係五樓見到呢間餐廳，Search評價見唔錯，尤其係佢嘅法式薄餅幾特別，就決定係呢度食晚飯。甘筍湯配餐包、沙律甘筍湯比起南瓜湯無咁甜，呢個湯甘筍味道都幾突出，最特別係有兩款唔同色嘅餐包，橙色嘅比較似係普通餐包，而綠色嘅係香草味，聞落味道好香！沙律係用沙律醋，蔬菜都幾新鮮。美國安格斯牛扒牛扒煎得剛剛好，Medium Cooked，肉汁被充份鎖住，味道非常不錯。肉質亦都唔算好韌，幾易切開同咬。個薯蓉亦都幾軟滑。煙三文魚菠菜車打芝士法式薄餅薄餅嘅皮好薄好脆，皮好有蛋香，味道甜甜地，配埋煙三文魚同芝士鹹鹹地嘅味道，食落甜甜鹹鹹嘅味道，配搭幾特別。隨碟仲有一球紫薯薯蓉，好香甜，不過食完可能有少少膩，最好兩個人Share！LemonadeLemonade係比較淡嘅個種，唔太甜又唔太酸，有D似檸檬水嘅味道。Fruit TeaFruit Tea味道有少少似紙包檸檬茶個種味，個底有好多水果肉，整體感覺幾Fresh。