BRICK LANE (中信大廈)

營業中

休息中

今日放工之後，同個朋友聚一聚，就會去咗依間餐廳，試吓呢間嘅英國菜。間餐廳嘅氣氛唔錯，餐廳嘅擺設都好靚，仲有一個角落係bar corner。枱與枱之間嘅距離都令人坐得好舒服，唔算好多人，就啱晒一兩個朋友喺到傾下計。呢度嘅侍應都好有禮貌，而都會好貼心，等你食完一碟、收左碟，再問你可唔可以上第二碟。我哋嗌左一碟焗芝士玉米片，玉片上啲醬料同芝士好多，唔會食到最後無嗮，而啲料都好足，係傾計配嘢飲，又想食小食唔錯既選擇。另外叫咗碟半熟雞蛋巴馬火腿芝士煙肉意粉，個蛋真係好流心係溫泉蛋咁款，個汁好味又濃郁，裡面亦有好多煙肉，兩片鹹鹹地既巴馬火腿同啲意粉好夾，份量都算唔錯，真係食過回味。亦點左兩杯白酒，餐廳既酒都係一啲靚酒，配餐廳野食一流。嗌完即刻係隔離bar檯斟比你，值得一試。