影片
更多
2018-12-02
2566 瀏覽
今次嚟到法國餐廳Ecriture，Executive chef係鼎鼎大名嘅Maxime Gilbert，一入到餐廳，已經感受到濃厚嘅藝術氣質，餐碟同牆上嘅筆法乃古銅色，與黑色餐桌互相輝映，更帶岀時尚、現代嘅感覺。.一坐低，侍應就拎住一盒餐刀俾我哋揀，亦向我地說明原由，話係跟番法國嘅傳統，每個人都會有把代代相傳嘅餐刀，刀上更刻有店名Ecriture🍴。.Amuse Bouche開始食appetizer之前，首先試下佢哋嘅三款小食: Steamed Bun、Pumpkin Oreo、小白飯魚乾。首先試南瓜薄脆，兩塊薄脆中間夾住南瓜忌廉，甜甜哋。Steamed Bun比較似中式鹹包，而小白飯魚就乾身嘅，鹹鹹脆脆。AppetizersAmaebi其實係spot prawn牡丹蝦，配上紅菜頭脆片、木魚果凍。牡丹蝦非常鮮甜，與木魚果凍一齊放入口，鮮甜嘅感覺一下在口中爆開。十分不俗嘅前菜，都令我哋更加期待主菜。.Scallop我哋仲加左$128叫咗帶子，好似日式天婦羅咁，大廚用紫菜包住帶子，再將佢炸得金黃香脆，非常特別嘅做法，更顯廚師刀功，但相比起Amaebi，味道就較為失色啦。MainJohn D
.
一坐低，侍應就拎住一盒餐刀俾我哋揀，亦向我地說明原由，話係跟番法國嘅傳統，每個人都會有把代代相傳嘅餐刀，刀上更刻有店名Ecriture🍴。
.
Amuse Bouche
開始食appetizer之前，首先試下佢哋嘅三款小食: Steamed Bun、Pumpkin Oreo、小白飯魚乾。
首先試南瓜薄脆，兩塊薄脆中間夾住南瓜忌廉，甜甜哋。Steamed Bun比較似中式鹹包，而小白飯魚就乾身嘅，鹹鹹脆脆。
Appetizers
Amaebi
其實係spot prawn牡丹蝦，配上紅菜頭脆片、木魚果凍。牡丹蝦非常鮮甜，與木魚果凍一齊放入口，鮮甜嘅感覺一下在口中爆開。十分不俗嘅前菜，都令我哋更加期待主菜。
.
Scallop
我哋仲加左$128叫咗帶子，好似日式天婦羅咁，大廚用紫菜包住帶子，再將佢炸得金黃香脆，非常特別嘅做法，更顯廚師刀功，但相比起Amaebi，味道就較為失色啦。
Main
John Dory
主菜方面，我哋叫咗一份魚同一份肉。魚係法國新鮮直送嘅John Dory，肉質較厚實、彈牙。但配上豆乾汁(?)、小田螺，味道較鹹。
.
Steak
非筆墨能形容的美味！擺設依然優雅漂亮，一瓣瓣小花瓣滿足少女心。牛肉雖然看似小巧，但其實食咗咁多前菜已經半飽。牛肉極有牛味，一咬落去，肉汁爆晒岀嚟，從未食過咁香咁鮮味嘅牛肉！旁邊伴有日式明太子wasabi醬，沾醬食都有唔同嘅風味。
.
Petite Four
Apricot
杏桃味小蛋糕配上開心果忌廉、Sorbet唔會太甜，反倒有清新嘅感覺。
.
Surprise Dessert
侍應突然話其實每桌都有一個特別嘅驚喜，喚我們打開桌上嘅書擺設，原來入面有一個Chocolate Tart，侍應淋上Cognac酒後，就叫我哋開動啦！朱古力味極濃，酒味香，但我哋已經好飽啦😣😣。
.
另一個驚喜甜品就係Kouign amann，我們忘了拍照😛，其實係好似泡芙嘅甜點，侍應話係主廚媽媽以前成日整俾佢食，而佢就將依個味道帶入Ecriture。甜而不膩，聽完依個故事之後，我哋都好細心品嘗依個媽媽的味道😋。
.
Choco
另外跟set lunch我哋仲有一個甜品，朱古力碎配芒果粒粒，上面仲有一大塊朱古力薄脆。食之前，侍應提醒我哋朱古力醬會有少少辣，如果辣可以飲附上嘅椰奶解辣。果然係有少許辣味，但其實連芒果粒一齊食，都唔會好辣，有椰奶清清味蕾都不錯。
.
總括而言，無論係裝潢、服務、菜式，Ecriture的確帶到驚喜俾我哋，法日fusion嘅菜式實在少見，值得一試。
張貼
