濠苑茶餐廳

營業中

休息中

雖然我去過花墟N次， 但係從來冇入過濠苑食嘢， 今日心血來潮， 想食件西多， 所以就入去幫襯喇。呢度係一間街坊茶餐廳， 冇搞豪華裝修，服務街坊大眾，有人情味。哈哈，真好！有我想食嘅西多， 正確名稱係"法蘭西多士"! 一個西多加一杯飲品……28蚊，算係街坊價！經典黑白奶茶杯！見到熱辣辣嘅西多， 已經忘記咗……高糖高脂……， 一片大牛油喺西多上面慢慢溶落嚟， 再加埋糖漿， 呢個就係我哋香港人食西多嘅基本步驟! 呢個西多好食，夠熱，夠乾身，唔會食到一口油！ 唯一可惜嘅係個心冇搽花生醬，而係搽果jam。