影片
更多
2016-05-15
2605 瀏覽
竟然比我搵到寶，呢間位於太子界限街既Foam Bar係用泡沬做主題，位置選於界限街，原因是想餐廳混合中西合壁元素，連入面裝修都混合中西方文化，一切都諗過度過，令我非常驚訝。同老闆吹左下水，原來呢間Bar係到開左一年多，機源巧合之下參加左香港既自釀啤酒比賽，係多間大酒店中突圍而出拎到冠軍，有實力又有心機，以為D因食會好貴？其實非常親民。入面桌椅都用左非常懷舊風的設計，但選色非常大膽及創新，牆身亦掛了幾幅中國民畫及相架，眼球沖衝不少。除此之外，亦都睇到開放式廚房入面有幾個大爐既物體，其實就係釀啤酒既桶，老闆Angus一個人撐場，會定期為客人釀製不同口味的自釀啤酒，唔怕會飲到悶，之前亦出過玫塊同櫻花味，真係聽到都覺得吸引。雖然呢到都有好多款樽裝既本地及外國啤，但一場黎到緊係要試曬老闆既自家釀製啤酒，第一杯試既係Amber Ale，呢個啤酒帶有蜂蜜味道和明顯的茶香，在原有的柑橘味中，滲透少許啤酒花的辛香。麥芽味則較低調，酒體偏輕，非常清新既味道，我好鐘意。而American Pale Ale的香氣帶有西柚果香，有柳橙果皮氣息以及偏重的辛香，味道有比amber重，鐘意西柚果味既朋友一定要試呢個。
入面桌椅都用左非常懷舊風的設計，但選色非常大膽及創新，牆身亦掛了幾幅中國民畫及相架，眼球沖衝不少。除此之外，亦都睇到開放式廚房入面有幾個大爐既物體，其實就係釀啤酒既桶，老闆Angus一個人撐場，會定期為客人釀製不同口味的自釀啤酒，唔怕會飲到悶，之前亦出過玫塊同櫻花味，真係聽到都覺得吸引。
雖然呢到都有好多款樽裝既本地及外國啤，但一場黎到緊係要試曬老闆既自家釀製啤酒，第一杯試既係Amber Ale，呢個啤酒帶有蜂蜜味道和明顯的茶香，在原有的柑橘味中，滲透少許啤酒花的辛香。麥芽味則較低調，酒體偏輕，非常清新既味道，我好鐘意。
而American Pale Ale的香氣帶有西柚果香，有柳橙果皮氣息以及偏重的辛香，味道有比amber重，鐘意西柚果味既朋友一定要試呢個。
估你唔到，48＄既黑松露薯條，原來係用南瓜條、香芋條同薯條拼成，呢個價錢已經試曬3種，仲要非常香脆夠味，面上仲灑左紫菜碎，點埋自家製既黑松露醬，creamy得黎帶陣陣既黑松露香，邊到搵？
36小時慢煮三文魚，睇個名已經嚇親，呢種食物要用好多時間預備，老闆呢份心機真係好值得欣賞，先以真空慢煮後再煎香表層，外層香脆內裡嫩滑，魚味香濃而脆肉瓜則煎到表面微燶好香口。
36小時慢煮咖啡泡沫美國肉眼牛扒，算係fausion菜，都係先真空慢煮之後煎香表層，上面鋪上咖啡泡沫，味道質感有少少似叉燒。除左咖啡泡沫之外，碟上亦有3款不同顏色的醬汁比你點，質感同味道都同傳統牛扒好唔同，層次好豐富。
黑松露鹽酥雞，呢個鹽酥雞我比一百分，雞肉條外面包住紫菜去炸，外面炸到香脆內裡爆汁，雞肉條非常大塊唔會好似好多店咁好厚粉同好多空氣，真材實料！而且調味非常適中，下酒一流，旁邊仲設有黑松露醬比你點。
唔夠飽食埋黑松露醬risotto，飯粒係偏硬同偏大粒，問過老闆原來呢個黑松露醬係自家製，有好香既黑松露味又唔會好「漏」，每樣野都落足心機自己落手落力，真係好佩服。
靜係睇D菜名真係以為自己去左蘇豪區食，但係價錢每樣都100蚊樓下，拎左冠軍既自釀酒都係＄68一杯，我相信呢間店好快會變到好出名，所以趁個價錢仲親民既時侯試啦！唔好錯過
張貼
