1+1 吧 (已結業)

滋補盛「燕」甜品自助餐唔好期望會見到上圖的整個蛋糕，現實是一件件迷你切餅。上圖的食物全部都有出現，只是形式不同。頗多人，接近滿座，如冇訂位，不一定有得入來吃。食物款色不多，坦白講味道一般，如果是甜品控應該有點失望。但有得坐得耐，如果是kill time 傾計，則是扺的。好喜歡有點歌機，有歌聽，但亦因為咁D客人好大聲傾計，都幾嘈吓，我全程聽晒隔離左右兩台客人的家事，好無奈。最初見都D小切餅上的燕窩，我睇不出是燕窩，以為是泡沬裝飾。係咪真係似有D泡沫係D迷你切餅上呢?除了個冬甩冇影相外，其他都影了相。最好味的是梳乎里，冬甩，雪糕和紅棗龍眼蓮子糖水。桌上只有大匙羹和叉，沒有細的甜品匙羹，唯有自己去取咖啡匙羹用。侍應清走客人桌上用完的碟好快，值得讚賞。2:30pm 自助餐開始，3:30pm 開始冇乜refill, 3:45pm 侍應要求埋單，4pm 食物好多已清空，唔見refill。