影片
更多
2011-03-02
18 瀏覽
28-2-2011是日 lunch 遲了出來, 10 間有 9 間店都無位, 結果亂行之下又嚟到早兩日食泰菜 (http://www.openrice.com/restaurant/commentdetail.htm?commentid=2152467) 呢條街, 見呢間車仔麵店有位就立刻坐低. 叫了3 餸車仔麵 ($29; 出前一丁另加 $2), 加一杯凍飲 (加 $5).先嚟凍奶茶, 勁多冰, 飲落夠晒凍, 茶味突出, 唔澀, 唔太甜, 收貨的.主食係豬大腸 + 魚肉腐皮卷 + 冬菇的「撈底」出前一丁: 丁麵煮得稍腍, 而「撈底」就應該係豉油汁吧, 不過醬汁份量偏少亦偏淡, 似普通「走湯」多過「撈」喎 豬大腸夠乾淨, 幾肥, 食落帶羶味, 質地就煙煙韌韌, 算 ok; 冬菇一般厚肉不過幾香, 蠔油醬汁夠味但又杰到有點「瓊」成啫喱的 tendency, 感覺麻麻; 魚肉腐皮卷就完全係薄到透光的無味腐竹包住一團無味粉, 超難食 反而「搭」的一片椰菜幾好食, 油水十足, 食落清甜又爽脆, 有點意想不到.坐了小店的室內位, 地方係好細, 不過好乾淨; 阿姐們則幾友善, 同佢講「
28-2-2011是日 lunch 遲了出來, 10 間有 9 間店都無位, 結果亂行之下又嚟到早兩日食泰菜 (http://www.openrice.com/restaurant/commentdetail.htm?commentid=2152467) 呢條街, 見呢間車仔麵店有位就立刻坐低. 叫了3 餸車仔麵 ($29; 出前一丁另加 $2), 加一杯凍飲 (加 $5).
先嚟凍奶茶, 勁多冰, 飲落夠晒凍, 茶味突出, 唔澀, 唔太甜, 收貨的.
主食係豬大腸 + 魚肉腐皮卷 + 冬菇的「撈底」出前一丁: 丁麵煮得稍腍, 而「撈底」就應該係豉油汁吧, 不過醬汁份量偏少亦偏淡, 似普通「走湯」多過「撈」喎 豬大腸夠乾淨, 幾肥, 食落帶羶味, 質地就煙煙韌韌, 算 ok; 冬菇一般厚肉不過幾香, 蠔油醬汁夠味但又杰到有點「瓊」成啫喱的 tendency, 感覺麻麻; 魚肉腐皮卷就完全係薄到透光的無味腐竹包住一團無味粉, 超難食 反而「搭」的一片椰菜幾好食, 油水十足, 食落清甜又爽脆, 有點意想不到.
坐了小店的室內位, 地方係好細, 不過好乾淨; 阿姐們則幾友善, 同佢講「唔該」佢又會答你「唔使客氣」, 招呼不錯.
放低 $36, 唔算好好食, 不過 MSG 的確比好多車仔麵店少得多, 平平哋可以一試的.
張貼
