Pizza King (芙蓉街)

營業中

休息中

見到新開八折優惠，就試試佢，叫了外賣，可惜呢位國王非常差！一打開，嘩，非常雜亂。餅皮邊擠作一團，pizza cutting大小不一，有啲勁大塊，有啲又細塊。而辣肉腸，有啲就有兩塊，有啲就一塊都無，咁求其既？而呢個pizza係烤肉至尊，肉真係唔多見(最上嗰塊又無肉嘅)。另一個食評話「食肉獸啱哂」，相信食肉獸要咬你隔離嗰個/自己了。第二個無記錯係拿破崙芝士海鮮意粉，原價係$88，賣相如上，不過外賣意粉無辦法啦。芝士有拉絲，味道好普通好普通。第三個係鹹蛋黃醬雞翼，完全唔夠鹹蛋黃，唔夠味，唔好食，整體都差，懶得影了。兩人餐附送了汽水，八折後大概二百頭。