泰地道 (文苑樓) (已結業)

搵食想搵附近停到車的，於是嚟左八文樓一帶。老婆做完運動想減肥食得清淡啲，但見周圍都燒烤，咁就不如求祈喺泰國或越南菜館搵碗湯粉食就算。於是路過文苑街，見到呢間「泰地道」新新地，就行左入去，總好過又食老趙。老板娘見我地初嚟報道，用心推介左個三文魚沙律當頭盤，我地見呢道菜同減肥無咩衝突，又價錢適中，就欣然接受建議。我同老婆都點左個 BB 辣，好開胃，令到減肥中嘅老婆破戒食埋屬於我嗰份嘅肥美三文魚。我食親泰國野都通常飲椰青，呢度個椰青滿分！蒜蓉包香脆，無話太多硬「 掘掘」嘅包皮，夠哂蒜蓉。今次純粹路過，有驚喜，值得返轉頭。