泮利居

營業中

休息中

今天同事提議去馬鞍山泮利居飲茶，話好好食。原本諗住其實都只係普通茶樓飲茶沒有特別，但係原來真係幾好味。我們一班人除了叫點心，還有點了同事的心水推介。其中有幾樣真係一定要試。有一道菜是香葱脆鲩，脆鯇夠晒脆，大葱夠晒香，加以巧手烹調，必會食完一塊又一塊，但唔使驚唔夠食，因為每塊脆鯇都大大塊，而且碟頭好大碟。另一款菜是螞蟻上樹，我原本是食唔到辣，但碟螞蟻上樹實在太惹味，雖然辣到條脷有些痛，但都忍着辣吃了很多口！有一款點心叫益力多酸奶兔，喜歡益力多，酸奶及甜品的可以一次過滿足3個願望，這個甜品除了味道好，兔仔的造型得意到爆，直情係好睇又好食。新一年梗係要有好意頭，所以當金箔蝦餃皇上枱時，個個都即刻起筷夾，鋪在蝦餃皇頂那大片金色甚具貴氣。還有很多其他美食，選擇較一般酒家為多，不單碟頭大，而且價錢十份化算；我門11個人食，嗌左幾十樣嘢，埋單都只係約二千元，性價比好高。