Thai Basil (已搬遷) 新店位置

Thai Basil已經唔係第一次幫襯，今次再嚟食發覺最大嘅分別係價錢貴左，餐牌變得簡單左，有一啲菜式已經冇咗，例如我嘅至愛泰式濕炒河，都冇辦法已經坐低，唯有希望佢嘅菜式味道保持水準。今次幫襯，發覺水準依然，分量亦保持不變，我第一次試佢哋嘅青咖喱，發覺佢哋雞肉以燒烤處理，感覺特別，另外，亦係第一次試佢哋嘅燒薄餅，出奇地好，所以特別叫多一客，回味無窮，雪糕香蕉布甸呢一個甜品已經食咗好多年，加價之後水準依然無變，係非常值得一試嘅長青甜品。