影片
更多
2016-11-23
245 瀏覽
星期六晚上去睇波嘅前夕，當然要食餐好先去觀賞激烈嘅球賽。在灣仔區，見到拉麵店排晒長排，當然就唔會排埋一份。反而隔離嘅拳王座位舒適，又係我地最中意嘅泰國菜，所以我地就去左品嚐一下。食泰國菜點可以少得肉碎生菜包。豬肉碎加上適量嘅辣椒同埋香蔥，炒出黎嘅味道非常之香，就咁食都已經足夠味美。如果以傳統方式去食，以爽脆新鮮嘅生菜包住佢，味道依然精彩。泰式炒金邊粉唔係我地常叫嘅餸菜，不過絕對無令我地失望。以蛋包住嘅金邊粉，味道酸酸辣辣咁，惹味之餘又有開胃之用，而配料亦都非常之豐富，火腿絲、鮮蝦加上豆腐乾，絕對值得推介。而我地身為愛肉之人，點少得食沙嗲串燒併盤。雞肉、牛肉、豬肉各有兩串，雞肉燒得嫩滑、牛肉又保存到肉汁，加上自制嘅沙嗲醬，6串都食得津津有味!
星期六晚上去睇波嘅前夕，當然要食餐好先去觀賞激烈嘅球賽。在灣仔區，見到拉麵店排晒長排，當然就唔會排埋一份。反而隔離嘅拳王座位舒適，又係我地最中意嘅泰國菜，所以我地就去左品嚐一下。
食泰國菜點可以少得肉碎生菜包。豬肉碎加上適量嘅辣椒同埋香蔥，炒出黎嘅味道非常之香，就咁食都已經足夠味美。如果以傳統方式去食，以爽脆新鮮嘅生菜包住佢，味道依然精彩。
泰式炒金邊粉唔係我地常叫嘅餸菜，不過絕對無令我地失望。以蛋包住嘅金邊粉，味道酸酸辣辣咁，惹味之餘又有開胃之用，而配料亦都非常之豐富，火腿絲、鮮蝦加上豆腐乾，絕對值得推介。
而我地身為愛肉之人，點少得食沙嗲串燒併盤。雞肉、牛肉、豬肉各有兩串，雞肉燒得嫩滑、牛肉又保存到肉汁，加上自制嘅沙嗲醬，6串都食得津津有味!
張貼
