影片
更多
2023-04-04
81 瀏覽
位於大角咀嘅泰嘟嘟地理位置唔算就腳，不過咁啱去奧海城睇戲就順便去食下。早幾日已經book定位，去到8點鐘左右，有4百幾個好評當然去到已經滿座，不過座位唔算多，2個人叫套餐食其實都唔係幾夠位放，所以真係唔可以慢慢食。2人餐$248可以揀3款食物，揀左半隻去骨海南雞，泰式明爐花甲鍋，豬頸肉啫椰菜苗煲，再加多個冬蔭功海鮮湯金邊粉($78)。豬頸肉啫椰菜苗煲熱辣辣夠晒香口，豬頸肉份量都幾多，整體都好惹味，不過有少少油同埋椰菜苗有啲硬。海南雞就中規中矩冇乜特別驚艷，冇乜雞味，不過肉夠厚而且肉質都算滑。泰式明爐花甲鍋最後先上，滾住咁上枱熱辣辣，花甲都幾大隻，都有10隻8隻嘅，全部都開晒口幾新鮮，不過點都有少少韌。佢個湯酸酸辣辣，啲粉絲吸晒個湯啲味勁開胃，食到最尾都唔會話好飽。至於加果個冬蔭功海鮮金邊粉都唔錯，只係海鮮唔算新鮮。海鮮有青口、魷魚、蝦、蟹柳，加埋芽菜同秀珍菇。個冬蔭功湯都係酸酸辣辣，辣度適中唔會搶左個酸味，而且個金邊粉吸左啲湯都唔會太嗆鼻。埋單2個人平均都唔洗$200，泰國野黎講以依個份量都算抵食，只係如果唔係住附近的話，泰國野有太多其他選擇。不過依間無論質素，味道同份量都水準以上嘅，
2人餐$248可以揀3款食物，揀左半隻去骨海南雞，泰式明爐花甲鍋，豬頸肉啫椰菜苗煲，再加多個冬蔭功海鮮湯金邊粉($78)。豬頸肉啫椰菜苗煲熱辣辣夠晒香口，豬頸肉份量都幾多，整體都好惹味，不過有少少油同埋椰菜苗有啲硬。海南雞就中規中矩冇乜特別驚艷，冇乜雞味，不過肉夠厚而且肉質都算滑。泰式明爐花甲鍋最後先上，滾住咁上枱熱辣辣，花甲都幾大隻，都有10隻8隻嘅，全部都開晒口幾新鮮，不過點都有少少韌。佢個湯酸酸辣辣，啲粉絲吸晒個湯啲味勁開胃，食到最尾都唔會話好飽。至於加果個冬蔭功海鮮金邊粉都唔錯，只係海鮮唔算新鮮。海鮮有青口、魷魚、蝦、蟹柳，加埋芽菜同秀珍菇。個冬蔭功湯都係酸酸辣辣，辣度適中唔會搶左個酸味，而且個金邊粉吸左啲湯都唔會太嗆鼻。
埋單2個人平均都唔洗$200，泰國野黎講以依個份量都算抵食，只係如果唔係住附近的話，泰國野有太多其他選擇。不過依間無論質素，味道同份量都水準以上嘅，不過就唔好諗住食海鮮為主囉。
張貼
