新泰東南亞餐廳 (太子集團中心) (已結業)

展開泰國之旅！同朋友附近行完街臨時即興話食泰國菜，食6點半，係第一枱客，後黎陸陸續續都有其他枱入座。1. 青木瓜沙律，酸酸辣辣，好惹味😋青木瓜夠爽脆2. 泰珍珠椰菜苗炒香菇，本身以為係椰菜仔，點知黎到大棵既😂3. 椰汁青檸雞湯，好足料，雞肉草菇都勁多，湯偏酸，岩哂我呢d鍾意食酸野人，一鍋3人share, 每人都飲左2碗，份量足夠4. 椰青沙冰，最正！清清地，唔會太甜，仲可以食到有少少椰肉5. 泰式青咖哩雞配蒜蓉包同印度薄餅，咖哩偏咸，如果餸飯應該好d，6.泰式炸春卷，炸脆卜卜，但唔會成口油，好味！惟一美中不足就係背景音樂，如果餐廳播埋泰文歌就一流啦，果晚成晚都係播緊廣東話歌😂有d唔夾。