鼎豐雞煲泰國菜 (已結業)

最近上網見到太子新開咗一間雞煲x火鍋x泰國菜嘅餐廳，又幾特別嘅Crossover，再睇下介紹餐廳原來係泰國人主理，泰國廚師，主打正宗泰國菜，好地道咁，同朋友都好想試下，一次過滿足曬我哋。餐廳外有一大片打卡牆，打卡一流。店員有禮，耐心介紹餐廳出品，教我哋點樣配搭，好專業。泰國椰青雞煲（半隻）$208也送 美國頂級雪花肥牛我哋點咗哩款，店員將整個椰青連肉放入鍋中，滾起後，先飲靚湯底，湯底好清甜又滋潤，再加湯再打邊爐。再點左幾樣打邊爐，有韭菜餃$48、手打蝦丸$58、皇帝菜 $38和嫩鴨血$63；手打蝦丸鋪上魚籽有4大粒；皇帝菜新鮮脆綠；鴨血十分嫩滑。泰式明爐蒸烏頭王(檸汁) $240食完雞煲邊爐，又想試下泰菜，於是我哋叫左泰式明爐蒸烏頭王，魚好大條且肉質嫩滑，味道夠地道。泰式串燒沙嗲（半打） $98 再點咗半打串燒，豬、牛、雞各兩串，三款串燒各有特色，肉都好厚身，份量不少，配上特調沙嗲醬好惹味，好滿足。原來訂座會送串燒。餐廳只收加一服務費。餐廳出品高質，選擇又多，下次會再嚟。