影片
更多
2022-10-15
22 瀏覽
呢日又係元朗食晏晝，好求其地入咗間泰國餐廳，下午茶時間淨係得lunch餐牌，不過價錢都唔算貴。*海南雞冬陰功湯金邊粉 $52*海南雞嘅份算都算多，無骨啖啖肉，肉質幾滑，冬陰公飲落同平時單叫嘅濃度一樣，唔會因為做湯底就溝稀咗，夠酸微辣，仲有啲菇，幼身嘅金邊粉都幾索湯，唔會煮到太淋，推介👍🏻*黃咖喱牛腩飯 $58*叫咗個唔辣嘅黃咖喱，幾香椰汁味，啲汁撈飯就啱晒，牛腩幾軟腍另外加咗一杯特飲 +$6本身好想試杯沙冰，但係好似加特飲抵飲啲，就選咗呢杯*椰汁涼粉冰*，正常味道，+6蚊都大杯抵飲*香芒糯米飯 $78*食泰國野點少得叫個甜品，芒果🥭超甜，係好食嘅水仙芒，黑白糯米兩大球，好食！
*海南雞冬陰功湯金邊粉 $52*
海南雞嘅份算都算多，無骨啖啖肉，肉質幾滑，冬陰公飲落同平時單叫嘅濃度一樣，唔會因為做湯底就溝稀咗，夠酸微辣，仲有啲菇，幼身嘅金邊粉都幾索湯，唔會煮到太淋，推介👍🏻
*黃咖喱牛腩飯 $58*
叫咗個唔辣嘅黃咖喱，幾香椰汁味，啲汁撈飯就啱晒，牛腩幾軟腍
另外加咗一杯特飲 +$6
本身好想試杯沙冰，但係好似加特飲抵飲啲，就選咗呢杯*椰汁涼粉冰*，正常味道，+6蚊都大杯抵飲
*香芒糯米飯 $78*
食泰國野點少得叫個甜品，芒果🥭超甜，係好食嘅水仙芒，黑白糯米兩大球，好食！
張貼
