水門雞飯 (百宜樓) (已結業)

因為去換護照嘅關係，好早就出左去🤦🏻‍♂，見換完護照餓餓地，會合番朋友之後就去搵嘢食。路過格離街就見到一間泰國水門雞嘅餐廳，就入左去試啦。睇完餐牌之後，覺得價錢都算合理。叫左個雙拼水門雞飯、芒果糯米飯同鮮蝦炒金邊粉。首先黎到嘅係芒果糯米飯，雖然芒果唔係當造嘅季節，但係食落都甜唔酸，飯方面黎到都仲熱熱地，食落彈牙。至於雙拼水門雞飯方面，有分兩種雞。炸雞外面脆皮，裡面嘅肉仲相當冧。原味雞方面，色澤唔錯，食落去幾滑，加埋提供嘅醬汁，有自己嘅風味。最後就係鮮蝦炒金邊粉，原來係有少少辣，蝦嘅份量算多，金邊粉方面，唔算太油，因為之前同過其他餐廳都好多油，越食越想嘔。總括黎講，呢間餐廳係香港黎講，係一間平民而又好食嘅泰國餐廳，我都會考慮再食多次👍🏻。