影片
更多
2024-11-02
104 瀏覽
皇后大道東一帶，一個集結左高業大廈同舊式樓宇嘅地方，係一個新舊交融嘅地方，發現一間裝修時尚，然而口味正宗嘅泰國餐廳。泰鑫，就好似行進一間cafe咁，環境舒適有品味，採用嘅係開放式廚房，可以親眼睇到泰國廚師嘅功架，十分寫意。食泰國菜，鍾意炸物嘅我必叫嘅一定係蝦餅，佢炸得十分香口，外皮鬆脆同時內裡爽口彈牙，大人細路都同樣喜歡。沙嗲雞串，雞肉肉質嫩滑，燒烤味十分之香，配上沙嗲醬，花生味香濃，少少辣，勁香口。泰式黃咖哩蟹肉+薄餅，上枱時已經聞到勁香，味道香甜濃郁帶點辣，份量多，啖啖蟹肉，夠哂滿足。薄餅烤得好香，已經預先剪細成一小塊，沾滿黃咖哩同蟹肉食，真係好掂。泰式船湯麵嘅湯底鮮甜濃郁，金邊粉口感很好，唔會過腍。船麵食材豐富，有爽口彈牙嘅牛丸同鮮嫩嘅牛肉，再配埋脆口嘅炸豬皮，超吸湯勁好味。出面嘅椰汁西米糕好多時已經轉左用錫紙又或者膠兜，而呢度仍然保留傳統泰國菜用斑蘭葉包住，斑蘭葉嘅香氣加上椰汁嘅香甜同西米嘅幼滑，絕對係一種享受。龍眼茶凍冰，呢個真係好特別好少見，龍眼茶啫喱十分之滑，加上龍眼肉，口感十分豐富，凍冰冰咁食，食完咁多濃味野完全可以解膩，十分正。值得一提嘅係，呢度消費滿400蚊就可以係
泰鑫，就好似行進一間cafe咁，環境舒適有品味，採用嘅係開放式廚房，可以親眼睇到泰國廚師嘅功架，十分寫意。
食泰國菜，鍾意炸物嘅我必叫嘅一定係蝦餅，佢炸得十分香口，外皮鬆脆同時內裡爽口彈牙，大人細路都同樣喜歡。
沙嗲雞串，雞肉肉質嫩滑，燒烤味十分之香，配上沙嗲醬，花生味香濃，少少辣，勁香口。
泰式黃咖哩蟹肉+薄餅，上枱時已經聞到勁香，味道香甜濃郁帶點辣，份量多，啖啖蟹肉，夠哂滿足。薄餅烤得好香，已經預先剪細成一小塊，沾滿黃咖哩同蟹肉食，真係好掂。
泰式船湯麵嘅湯底鮮甜濃郁，金邊粉口感很好，唔會過腍。船麵食材豐富，有爽口彈牙嘅牛丸同鮮嫩嘅牛肉，再配埋脆口嘅炸豬皮，超吸湯勁好味。
出面嘅椰汁西米糕好多時已經轉左用錫紙又或者膠兜，而呢度仍然保留傳統泰國菜用斑蘭葉包住，斑蘭葉嘅香氣加上椰汁嘅香甜同西米嘅幼滑，絕對係一種享受。
龍眼茶凍冰，呢個真係好特別好少見，龍眼茶啫喱十分之滑，加上龍眼肉，口感十分豐富，凍冰冰咁食，食完咁多濃味野完全可以解膩，十分正。
值得一提嘅係，呢度消費滿400蚊就可以係胡忠大廈同合和中心免費泊車3小時，啱哂揸車過嚟。
張貼
