金不換泰國餐廳 (已結業)

年初三落樓食飯見到呢間唔多人就入嚟食，之前食過其他分店都冇咁伏！！🥵今晚叫咗個香草炒飯，青木瓜沙律，青咖喱牛，薑蔥羊肉，千層糕。按道理這些菜式難食都有個譜，冇諗過真係自己煮都好食過佢。香草炒飯完全冇香味，只有小小辣味，個飯仲要濕到不能再濕，加少少水可以變湯飯青木瓜沙律得個咸字，唔識形容。最好食應該剩係得個花生🥜青咖喱牛，水準同佢個價錢真係完全不符合。有超重嘅嘢奶味，超重的意思即係完全覆蓋左咖喱味道。好彩夠熱，如果唔係真係不能入口😶薑蔥羊肉算係最好，亦都好鹹，不過完全食唔出係羊。。剩係得洋蔥好食。千層糕就應該你喺惠康是但買黎整都好食過佢。仲要係新開嘅分店。裝修應該舊舖拆出黎？好殘舊。。早知過對面茶記吃😭佢哋仲要話係全泰國廚師 冇本地。唔講仲以為初三全部廚師放咗假。