泰閣 (已結業)

一間偏西式嘅泰國菜館-泰閣第一次食，原因本身想去附近一間餐廳時，但發現結業，所以就餓住咁是旦揀左間食。 最大原因係俾佢嘅環境吸引，算係有西餐廳嘅氣氛。環境舒服，我中意佢帶點昏暗咁食泰國菜，感覺高貴啲，不過價錢以坐落係油麻地地區黎講，就會相對地貴啲啦！餐牌都好美觀，清晰，而餸菜款式都幾多。但要選擇都不算難，因為一般嘅心頭好都好齊存！菜式今次點左細冬蔭功湯，青咖哩飯，同我至愛嘅泰式酸辣雞腳沙律。冬蔭功一黎到，店員就自動波俾左兩隻碗我地，仲幫我地"不"埋，難得會有人served，呢啲 waiter 宜家係香港真係買少見少！講返個湯先，夠湯味同好足料，只是口味上，可能混合左啲西式嘅做法，冇傳統冬蔭功冬咁酸咁辣，反而係偏甜偏辣嘅，❨感覺怪怪的❩，不過整體都可以，只係唔太啱個人預期嘅口味。我嘅至愛～酸辣雞腳沙律！據我所知，要整得好食嘅話，其實唔難。只係要去骨同剪甲比較麻煩姐😂味道方面好好食，啲雞腳好冬好爽口，酸辣汁個味好足，可以話無伏必叫之選！青咖哩飯，配菜幾好食，唔會話煮得林生林太，即係太林或太生 (Sor, 我知唔好笑) 至於個汁，椰汁味好重，可能係因爲西式做法，同樣係偏甜，咖哩味始於不夠。總