影片
更多
2015-09-02
352 瀏覽
一講起九龍城，第一時間諗起泰國嘢！但由於泰國餐廳太多，其實一下子都唔知揀邊間好⋯途經九龍城南角道見到有間餐廳特別多人等位喎!！多人等位實冇伏啦！結果連店名都未望真，好啦！就等呢一間！想當隨心～等咗10分鐘左右，有位入得！非常好～安排座位嗰個男人唔知係咪老細呢，相當nice,笑容滿面，未食都已經加分啦。店內其實不算大，但坐滿客人！場上都貼滿食物嘅相片，未睇餐牌之前，其實都可以睇住相先～餐牌到手先知原來呢間叫「泰仔美食」，哈哈，通常用泰妹多，泰仔真係第一次見！乜泰仔唔係打開泰拳嘅咩？識煮嘢食？^^兩丁友一定食唔到多嘢，唯有精揀啲啦。一定要食生蝦啦，每次必叫！香葉肉碎飯、柚子沙律、三味烏頭，加多杯芒果沙冰就夠喇！首先嚟到嘅係生蝦！嘩，一碟有六隻，而且隻隻都好肥美！用生蝦沾沾泰式辣醬再食，嘩～好新鮮，肉質仲好彈添！加上辣醬嘅刺激，好味！柚子沙律，睇得出師傅好細心，將柚子剝皮，再一分3至4件上，唔會散到一粒粒，件上口感更豐富，啖啖肉嘅滋味好實在。已焯熟嘅蝦肉去殻都幾大隻，仲有一片片炸香嘅紅蔥頭片，口感好得意，甜甜地，幾好味喎！醬汁酸酸甜甜，唔辣嘅。香葉肉碎飯要咗牛肉，呢個炒飯相當正宗，同去泰國食
一講起九龍城，第一時間諗起泰國嘢！但由於泰國餐廳太多，其實一下子都唔知揀邊間好⋯途經九龍城南角道見到有間餐廳特別多人等位喎!！多人等位實冇伏啦！結果連店名都未望真，好啦！就等呢一間！想當隨心～
等咗10分鐘左右，有位入得！非常好～安排座位嗰個男人唔知係咪老細呢，相當nice,笑容滿面，未食都已經加分啦。
店內其實不算大，但坐滿客人！場上都貼滿食物嘅相片，未睇餐牌之前，其實都可以睇住相先～
餐牌到手先知原來呢間叫「泰仔美食」，哈哈，通常用泰妹多，泰仔真係第一次見！乜泰仔唔係打開泰拳嘅咩？識煮嘢食？^^
兩丁友一定食唔到多嘢，唯有精揀啲啦。一定要食生蝦啦，每次必叫！香葉肉碎飯、柚子沙律、三味烏頭，加多杯芒果沙冰就夠喇！
首先嚟到嘅係生蝦！嘩，一碟有六隻，而且隻隻都好肥美！
用生蝦沾沾泰式辣醬再食，嘩～好新鮮，肉質仲好彈添！加上辣醬嘅刺激，好味！
柚子沙律，睇得出師傅好細心，將柚子剝皮，再一分3至4件上，唔會散到一粒粒，件上口感更豐富，啖啖肉嘅滋味好實在。已焯熟嘅蝦肉去殻都幾大隻，仲有一片片炸香嘅紅蔥頭片，口感好得意，甜甜地，幾好味喎！醬汁酸酸甜甜，唔辣嘅。
香葉肉碎飯要咗牛肉，呢個炒飯相當正宗，同去泰國食嘅係一樣！一樣咁香一樣咁辣呀!
三味烏頭，其實原本想要三味鰂魚⋯但朋友擔心鰂魚多骨⋯唯有揀冇乜骨嘅烏頭啦。三味？其實係咪代表甜、酸、辣三味？因為我係食到呢三種味！仲有鮮味！烏頭肉質新鮮，三味醬汁好開胃，三味夾得啱啱好，唔會話邊個搶邊個風頭，加上三色椒嘅顏色，令整體上賣相更吸引！回味呀～
芒果沙冰解辣一流，芒果味香，仲好甜！飲上口仲有一點點好細嘅冰粒沙仔⋯不過如果啲冰再磨碎啲就好，我比較鍾意再smooth啲～
唔錯唔錯，下次嚟九龍城可以再嚟拉泰仔開餐，餐牌上仲有好多款我未試過，可以再食！難得搵到間有誠意嘅泰國嘢，可以加入我的最愛之一喇！
張貼
