影片
更多
2018-01-10
76 瀏覽
嚟到海港城行街，因為要搵洗手間，竟然俾我發現呢度有間高級餐廳。舖位有少少偏僻，夾住喺兩間個人護理店「萬記」同「屈記」中間，你知香港人一般好少去到海港城個人護理店買野架啦，買都去屋企附近啲分店買。望過去以為係一間高級西餐廳，行埋去睇吓餐牌先知係泰國餐廳嚟。好少見到咁高級嘅泰菜館，一定要試吓~環境真係一流，啲燈飾效果做得好靚，求其用部電話㩒個掣已經可以影到咁靚嘅相，好有成功感。再睇吓餐廳簡介，原來咁猛料 - 泰國版 宮廷料理。先叫左三款小食，每款都叫左半份，原來半份只有兩件，幾迷你，貴咗啲。泰國皇家宮殿蒸餃子$38半份，賣相精緻，入面有啲蝦肉同雞肉又有少少冬蔭功味，一啖就食晒。主廚Nooror著名創作泰式比利時炸蝦$58半份，蝦連埋蝦尾一齊炸，的的骰骰。蝦肉彈牙，但略嫌細。脆皮青咖喱雞及蝦肉黃金包$58半份，少少青咖喱味，外皮炸得好香脆，熱辣辣，餡肉飽滿。本來係叫龍蝦冬陰濃湯，點知賣晒。改左椰皇海鮮濃湯$128一人份，原個椰皇上。有半件蝦肉，蝦頭全部都係蝦膏，蝦肉甜。湯都算濃，有蟹肉、八爪魚同青口肉，叫嗰陣以為係椰子湯，飲落似酸酸甜甜嘅蕃茄湯。泰式紅咖喱配菠蘿燒鴨脾$198 加香煎油鬆餅
環境真係一流，啲燈飾效果做得好靚，求其用部電話㩒個掣已經可以影到咁靚嘅相，好有成功感。
再睇吓餐廳簡介，原來咁猛料 - 泰國版 宮廷料理。
先叫左三款小食，每款都叫左半份，原來半份只有兩件，幾迷你，貴咗啲。泰國皇家宮殿蒸餃子$38半份，賣相精緻，入面有啲蝦肉同雞肉又有少少冬蔭功味，一啖就食晒。
主廚Nooror著名創作泰式比利時炸蝦$58半份，蝦連埋蝦尾一齊炸，的的骰骰。蝦肉彈牙，但略嫌細。
脆皮青咖喱雞及蝦肉黃金包$58半份，少少青咖喱味，外皮炸得好香脆，熱辣辣，餡肉飽滿。
本來係叫龍蝦冬陰濃湯，點知賣晒。改左椰皇海鮮濃湯$128一人份，原個椰皇上。
有半件蝦肉，蝦頭全部都係蝦膏，蝦肉甜。
湯都算濃，有蟹肉、八爪魚同青口肉，叫嗰陣以為係椰子湯，飲落似酸酸甜甜嘅蕃茄湯。
泰式紅咖喱配菠蘿燒鴨脾$198 加香煎油鬆餅$38，呢個就幾抵食。一鍋上枱，仲有小蠟燭保溫。
泰式紅咖喱配菠蘿燒鴨脾
$198
4 瀏覽
0 讚好
0 留言
鴨脾外皮脆口，好香鴨油味。
鴨肉好鬆軟，基本上唔用刀，用叉輕輕一拉都扯得開，好好食。
紅咖喱入口時唔算太辣，但越食越辣幾過癮。入面有車厘茄，竟然仲有青提子，好特別，所以個咖喱有少少甜味。
香煎油鬆餅好酥脆，唔油，但要趁熱食，好快凍。
黑白糯米飯配泰國芒果 $88，呢個係驚喜之作。熱嘅紫糯米同白糯米飯糰各兩件，下面仲墊左一片新鮮芒果。上面有芒果醬同椰漿，仲加上炸椰子，超正! 芒果就因為唔係當造時節所以甜度爭少少。
黑白糯米飯配泰國芒果
$88
4 瀏覽
0 讚好
0 留言
估唔到仲配多球雪糕，加埋炸椰子好香口。
總結係食物賣相精緻，小食貴，其他野食價格合理，環境一流。泰國版 宮廷料理感覺好高級，都值得一食。Lunch set百幾蚊有一份，海港城算係好抵食，有機會嚟食吓午餐都好!
張貼
