影片
更多
2016-05-02
5531 瀏覽
放題食得多，今次黎試下新花款，有泰國野嘅放題店。坐低店員送上醬汁。自己出去攞飲品，揀左呢個少見嘅烏龍茶，雖然寫韓文，但產地係台灣。朋友則揀左青檸疏打，嘩嘩，好酸，酸得黎都幾香檸味。先點刺身試試，款式都幾多，味道一般，偏淡口。天婦羅，炸得香脆不過油。壽司，味道一般，而且賣相欠奉。手卷，送上黎已經散開左，但細細條又幾好喎。生菜包，豬肉微辣，肥瘦比例唔錯，生菜新鮮爽口，好食。海南雞，雞嫩味濃，唔錯。泰式串燒，豬，牛，雞每樣要左兩串試試，肉燒得香又無乾柴，沙嗲醬好味，呢個encore呀！炭燒豬脛肉，啖啖肉正喎。炸大腸，哈哈，放題都有呢樣食？！炸得好脆，甜酸汁正，又encore左。炸蝦餅，幾彈牙，ok。咖哩牛腩，個咖哩汁好好味，牛腩軟腍，真係想拎碗白飯食佢呀。泰式炒蜆，辣辣地又香口，最緊要無沙，好味。泰式炒椰菜苗，翠綠爽脆，正。馬拉盞通菜，好香夠鑊氣，好味。牛油粟米，朋友係咁話點解無粟米點，原來出面自助有得拎，好香牛油粟米又甜，好味。紫芋丸，朋友至愛，佢一個人可ko到十粒。焗扇貝，蒜味香，扇貝係大size都幾鮮甜。燒菠蘿，好酸好酸～甜品自助，出到去睇見樣樣都好好味咁，攞左呢啲。再攞左呢啲，哈哈，
坐低店員送上醬汁。
自己出去攞飲品，揀左呢個少見嘅烏龍茶，雖然寫韓文，但產地係台灣。朋友則揀左青檸疏打，嘩嘩，好酸，酸得黎都幾香檸味。
先點刺身試試，款式都幾多，味道一般，偏淡口。
天婦羅，炸得香脆不過油。
壽司，味道一般，而且賣相欠奉。
手卷，送上黎已經散開左，但細細條又幾好喎。
生菜包，豬肉微辣，肥瘦比例唔錯，生菜新鮮爽口，好食。
海南雞，雞嫩味濃，唔錯。
泰式串燒，豬，牛，雞每樣要左兩串試試，肉燒得香又無乾柴，沙嗲醬好味，呢個encore呀！
炭燒豬脛肉，啖啖肉正喎。
炸大腸，哈哈，放題都有呢樣食？！炸得好脆，甜酸汁正，又encore左。
炸蝦餅，幾彈牙，ok。
咖哩牛腩，個咖哩汁好好味，牛腩軟腍，真係想拎碗白飯食佢呀。
泰式炒蜆，辣辣地又香口，最緊要無沙，好味。
泰式炒椰菜苗，翠綠爽脆，正。
馬拉盞通菜，好香夠鑊氣，好味。
牛油粟米，朋友係咁話點解無粟米點，原來出面自助有得拎，好香牛油粟米又甜，好味。
紫芋丸，朋友至愛，佢一個人可ko到十粒。
焗扇貝，蒜味香，扇貝係大size都幾鮮甜。
燒菠蘿，好酸好酸～
甜品自助，出到去睇見樣樣都好好味咁，攞左呢啲。
再攞左呢啲，哈哈，啲杯仔好好味，香滑不過甜，蛋糕仔都好正。仲有雪糕拎㗎，不過要自己筆一球球，懶整了。食物選擇好多，自助bar仲有沙律，泰式鳳爪，拍青瓜等冷盤，熱食有炆牛尾，冬蔭功湯等，同時有食放題同自助餐嘅感覺，哈。
店員收碟好快，唔會堆滿枱，又無黑面，真係幾好。泰式食物好好味，日式野就一般啦。食物上得快亦無漏單，整體感覺唔錯
張貼
