木船 (已結業)

友人生日，他喜歡食泰國菜，選了他家中附近的一間泰國菜餐廳，所以來了這裏。裝修唔錯，最緊要燈光夠光猛，環境整潔。叫了一個套餐，先來了幾杯特色飲品，有一杯顏色非常鮮艷，飲一啖味道有好濃郁嘅士多啤梨。我叫了香茅特飲，清清淡淡的香茅味道，都幾特別，幾清新的。帶子意粉幾好食，辣辣地嘅味道，帶子又大粒，而且非常入味，帶子又唔會煎得太乾身。炒泰式河粉，有塊蛋花鋪喺河粉上面，又幾靚，食落去唔會太油。終於嚟到最鍾意食嘅脆口食物，拼盤有齊晒炸春卷同埋雞翼等嘅食物。雞翼炸得好香脆，點一點汁，襯托晒。炒飯有驚喜，出面街邊食開啲炒飯又大碟又唔好食，但呢度嘅味道啱啱好，唔會太咸，份量適中。生菜包嘅肉碎有點辣，但係好滋味。呢個菜式係我最深刻印象嘅食物之一，本身都好怕用菠蘿裝住啲熟食食物，覺得個味道會好怪，點知試咗味道酸酸甜甜，又幾開胃，最後食到停唔到口添。