藍象泰國餐廳 (已結業)

今日去左尖沙咀食飯，朋友帶路食泰國菜。我一直都好鐘意食泰國菜，好鐘意調味好重又好惹味，香料又香口。而且海港城既藍象泰國餐廳係我最愛。環境好chill晚間仲可以望到維港海景，好有氣氛啊，環境帶點浪漫。我同朋友二人行，叫左三個菜兩碗飯，已經好飽。我地叫左香辣肉醉沙律，生菜包上香口雞肉粒，雞肉好香口，咸香好岩送飯，肉粒完全唔乾，生菜好爽脆好新鮮。我再叫左烤羊排。我覺得必食啊羊排肉嫩好重羊味，中間粉嫩極重肉汁，入口唔鞋好滿足，醬汁辣辣地。我地叫左露筍炒蝦仁，蝦仁大隻好爽甜，質素好高。