亞萊嘜嘜 (已結業)

大家樂上二樓有間隱世泰國野，元朗總店咁遠就冇咩機會食，開分店黎荃灣就一定要去朝聖！原隻泰皇香茅燒雞成隻雞上枱，店員表演火燒香茅，燒到隻雞滴晒汁，俾我地影相打卡 ☺ 再拎入廚房切件。啲雞肉超滑！同埋好入味，仲好香香茅味！泰式潮爆炸鮮魷睇個樣就知係招牌菜! 咁大串魷魚圈，見到都開胃。夾下一舊又一舊，好快就食晒喇，但唔緊要，寶物沉歸底，一堆堆香茅紫蘇下面仲有好多魷魚呀! 好似玩尋寶咁。冬蔭功海鮮湯我自己唔太食得辣，所以佢一上菜，冇等佢再煲滾我就不左一碗黎飲。有好多菇，湯又唔會太油。泰式鮮蝦炒金邊粉有蛋網既炒金邊炒好吸引嫁！金邊粉雖然幼身，但每條都均勻沾有醬汁，仲有大大隻茄汁蝦涼浸浸夏日冰鍋紅白火龍果，加埋泰式芋圓，椰漿同冰底都係分開另上，方便D唔好椰汁或食唔到好凍既朋友，好貼心呀!