少爺泰 (已結業)

比較少黎沙田圍, 今次過開黎, 見到間裝修幾舒適既泰國菜餐廳, 一行人二話不說就坐左入去。好肚餓, 所以一黎就叫左不少食物!先到既係泰式拼盤!魚餅沾上甜酸醬, 爽口彈牙!泰式柚子沙律~泰式沙律一向有獨特風味, 微辣既青木瓜絲伴酸甜柚子! 好開胃!泰式鐵板煎蠔仔蛋~煎蠔仔蛋係不少人至愛!厚厚既炒蛋加上蠔仔啖啖肉, 夫復可求!馬拉盞炒粉絲雜菜煲~粉絲底吸盡精華, 而且有個煲熱辣辣!冬天幾岩key。今日天氣轉冷之下, 同行叫左杯馬來陳年老桔, fit 晒。接住到既係home made煎肉餅, 肉餅煎得剛好, 兩邊金黃色!每人一塊過一過口引!芒果蟹肉炒飯~蟹肉芒果一清一濃非常配撘, 難得芒果唔係時令季節會咁甜!鹹魚芥蘭炒豬頸肉!泰式炒菜, 芥蘭係特別好食!本人(大朋友)一向不太好芥蘭, 不過今日既炒菜, 爽甜, 超好食。最後 當然要叫個經典甜品, 香芒糯米飯!芒果肉厚而汁多, 一人一口岩岩好!有機會經過再黎!