象泰 (已結業)

屯門新墟特色泰菜屯門新墟既雅都商場原來重新裝修左，電梯直行最入有間泰菜，裝修幾有泰國風格，有二人餐、三人餐幾抵食咁，即刻入去食~我地2個人叫左細既小食拼盤、馬拉盞炒椰菜苗、生菜包、炒金邊粉、芝士芒果沙冰細既小食拼盤一黎到，我哋即刻食慾大增啦！有蝦餅、雞翼、春卷、串燒，賣相同味道都好好！我見每枱都有叫，推薦呀！生菜包都係推介！因為啲菜好有心機咁擺放，要讚下廚師咁有心機，排好靚之餘，生菜新鮮，肉碎炒得好正，諗起都想再食返馬拉盞炒椰菜苗，菜好新鮮，馬拉盞對我黎講有啲辣，不過好惹味！瘋狂追加！芝士芒果沙冰唔太甜，有粒粒芒果肉，上面有芝士奶蓋，好正2個人叫咁多野總共都係食左$400(已加一)，食到勁飽~算幾抵~會介紹朋友黎呀~下次好想試佢地個芒果米飯~同生蝦(去到已賣光) 祝店主生意興隆、客似雲來！