影片
更多
2014-09-12
1175 瀏覽
朗豪坊後面豉油街 有個男人食堂 主打食小炒 地道炭燒小吃 同泰式美食 佢就係-「水記」麻甩佬第一次帶我黎時 我對水記冇咩好感 地方細細 但放左好多枱 大家背對背 相當擠迫 除左收銀個呀姐 成間鋪都係男人 但食物質素味道唔錯 價錢唔貴 款式又多 佢個油浸筍殼係首選 外脆內滑 雖然冇豪華美觀莊修 但已成為旺角飯堂之選今次我地兩個人叫左4個餸 蒜容蒸陳村粉($48)代替飯 陳村粉其實似腸粉 不過會係硬身同厚身少少 同蒜容係最佳拍檔 再加上些少肉碎同些少豉油 好香好夠味 簡單得黎 又唔會寥 同埋唔係周圍都有得食炭燒豬頸肉($58) 呢個係次次必食 即叫即燒 有燒焦味道 個汁唔係平時普通既泰式酸辣 醬 係自家整 有青檸味 好似係泰國食既一樣 不過今次豬頸肉薄身左唔少 差不多一開二 好爽既口感消失左 有些失望椒鹽九肚魚($58) 今次想試其他魚 但冇驚喜 一啖咬落去 成口油湧出黎 只係食到油 食唔到魚 份量好似細碟左少少 鹵水拼盤($68) 水記鹵味有種特別味道 甘甘地 同出面食既唔同味 係麻甩佬最愛 款式好多 有豆腐 扎肉 牛肚 鵝賜 豬腸 鹵水汁唔咸 但樣樣餸都好入味 我鐘意點白醋食 酸酸地
朗豪坊後面豉油街 有個男人食堂 主打食小炒 地道炭燒小吃 同泰式美食 佢就係-「水記」
麻甩佬第一次帶我黎時 我對水記冇咩好感 地方細細 但放左好多枱 大家背對背 相當擠迫 除左收銀個呀姐 成間鋪都係男人 但食物質素味道唔錯 價錢唔貴 款式又多 佢個油浸筍殼係首選 外脆內滑 雖然冇豪華美觀莊修 但已成為旺角飯堂之選
今次我地兩個人叫左4個餸 蒜容蒸陳村粉($48)代替飯 陳村粉其實似腸粉 不過會係硬身同厚身少少 同蒜容係最佳拍檔 再加上些少肉碎同些少豉油 好香好夠味 簡單得黎 又唔會寥 同埋唔係周圍都有得食
炭燒豬頸肉($58) 呢個係次次必食 即叫即燒 有燒焦味道 個汁唔係平時普通既泰式酸辣 醬 係自家整 有青檸味 好似係泰國食既一樣 不過今次豬頸肉薄身左唔少 差不多一開二 好爽既口感消失左 有些失望
椒鹽九肚魚($58) 今次想試其他魚 但冇驚喜 一啖咬落去 成口油湧出黎 只係食到油 食唔到魚 份量好似細碟左少少
鹵水拼盤($68) 水記鹵味有種特別味道 甘甘地 同出面食既唔同味 係麻甩佬最愛 款式好多 有豆腐 扎肉 牛肚 鵝賜 豬腸 鹵水汁唔咸 但樣樣餸都好入味 我鐘意點白醋食 酸酸地 好開胃 又唔會咁易口乾
下次再黎要試下另一個人氣之選-泰式燒爐魚 不過今次光顧的確有少少失望 希望唔好退步
張貼
