影片
更多
2018-11-27
65 瀏覽
上星期過去沙田圍做嘢，約咗朋友係附近揾食。 見到有間叫少爺泰嘅泰國菜，門口有本厚厚嘅餐牌，打開望望，食物好吸引，價錢合理。見到入面已經有好多客人，相信水準有翻咁上下。於是我哋就入去試一試。餐廳以仿雲石牆、雲石檯作裝潢。 顏色柔和協調，檯櫈排列整齊，感覺華麗舒適。聽侍應講個餐牌剛剛更新咗，選擇亦多咗。Combo小食拼盆(小)拼盆係泰特色之一 ，由墨魚、雞卷、蔗蝦同春卷組成嘅拼盤全部新鮮炸起，熱辣辣好好味，完全冇油膩。最愛泰式春卷，除左餡料同中式嘅春卷好唔同外，網狀嘅外皮炸後仍然保持白色，非常之香脆。甜酸醬同酸辣醬令到拼盤味道更加提升。蒜蓉蝦頭油燒貴妃蚌貴妃蚌肉厚但吾韌，蝦頭油令貴妃蚌更鮮甜，加上炸過嘅蒜蓉香味，比較清蒸法，燒出特別吸引嘅味道。連伴碟嘅蔬菜都好新鮮喎！雞柳泰式濕炒河河粉係朋友喜歡嘅大片薄河粉，用咗濕炒，河粉口感更滑又少咗油膩膩。配料有甘筍同粟米仔好新鮮，而芥蘭就嫩綠爽脆。雞肉料足，整體好豐富好好味！鹹魚芥蘭炒豬頸肉而家芥蘭最好食，我哋又揀咗個用芥蘭炒豬頸肉。喜歡芥蘭嘅嫩綠爽脆外，豬頸肉肉質稔，燒烤到好似叉燒，再加上鹹魚同蒜蓉，更突出成碟菜味道。多D乳酪/多D/多D莓(左)個
見到有間叫少爺泰嘅泰國菜，門口有本厚厚嘅餐牌，打開望望，食物好吸引，價錢合理。見到入面已經有好多客人，相信水準有翻咁上下。於是我哋就入去試一試。
餐廳以仿雲石牆、雲石檯作裝潢。 顏色柔和協調，檯櫈排列整齊，感覺華麗舒適。
聽侍應講個餐牌剛剛更新咗，選擇亦多咗。
Combo小食拼盆(小)
拼盆係泰特色之一 ，由墨魚、雞卷、蔗蝦同春卷組成嘅拼盤全部新鮮炸起，熱辣辣好好味，完全冇油膩。最愛泰式春卷，除左餡料同中式嘅春卷好唔同外，網狀嘅外皮炸後仍然保持白色，非常之香脆。甜酸醬同酸辣醬令到拼盤味道更加提升。
蒜蓉蝦頭油燒貴妃蚌
貴妃蚌肉厚但吾韌，蝦頭油令貴妃蚌更鮮甜，加上炸過嘅蒜蓉香味，比較清蒸法，燒出特別吸引嘅味道。連伴碟嘅蔬菜都好新鮮喎！
雞柳泰式濕炒河
河粉係朋友喜歡嘅大片薄河粉，用咗濕炒，河粉口感更滑又少咗油膩膩。配料有甘筍同粟米仔好新鮮，而芥蘭就嫩綠爽脆。雞肉料足，整體好豐富好好味！
鹹魚芥蘭炒豬頸肉
而家芥蘭最好食，我哋又揀咗個用芥蘭炒豬頸肉。喜歡芥蘭嘅嫩綠爽脆外，豬頸肉肉質稔，燒烤到好似叉燒，再加上鹹魚同蒜蓉，更突出成碟菜味道。
多D乳酪/多D/多D莓(左)
個名好貼切，成杯充滿乳酪同藍莓味。
泰公主(右)
片片士多啤梨香甜中微帶酸，好開胃。
俘虜頭杯好特別，兩杯沙冰都好滑，大大杯，真材實料。
此餐廳值得推介。服務員態度良好，尤其是那位高高瘦瘦嘅男侍應溫馨提示客人帶齊所有嘢先離開，好窩心呀。
張貼
