影片
更多
2017-12-20
60 瀏覽
泰廳泰好廳一到秋冬其實除左打邊爐，我都唔會放棄我鍾意食既泰國菜，冬天食個熱辣冬蔭功都正ga，今日山長水遠特登入元朗試食呢間泰廳，就係我元朗地膽朋友既極力介紹，最後我發現呢個平時伏我多過好介紹既朋友今次⋯⋯無介紹錯！即刻比返個食後報告大家。食泰國菜有三寶必食：冬蔭功、生菜包同埋糯米飯。我平時都對泰國菜有返d要求，尤其呢三樣。冬蔭功湯，泰廳既廚有返咁上下板斧，佢整個冬蔭功湯係要等的，而且一等就等10幾分鐘，點解？因為佢地話個師傅會落order先即刻煮比你，唔係就咁一煲不湯咁不出黎，我見個晚全場基本每檯客都叫，就知道唔少野。上到檯無呃人，椰汁啱啱倒落去，試一舊草菇係爽既，蝦肉唔會太老，真係即刻order即刻整。飲啖湯，一入口係酸酸辣辣之後香料味同埋蝦頭味就出啦，最後先係椰奶餘香，唔講得笑，個冬蔭功係有返咁上下水準。生菜包就快上既，望落去見到有香茅葉、蔥頭、香菜、蔥炒過，肉碎間有辣椒，生菜包其實肉碎唔應該咁乾身，所以見到佢肉碎面頭有d光澤都有d信心，食落去香料味夠既，唔會一味死辣，起碼分到唔同香料味，不錯。期間我地仲叫左生蝦同埋炒大蜆，我覺得生蝦黎講，煮就無分高低既，好睇隻蝦夠唔夠新鮮（姐係睇
一到秋冬其實除左打邊爐，我都唔會放棄我鍾意食既泰國菜，冬天食個熱辣冬蔭功都正ga，今日山長水遠特登入元朗試食呢間泰廳，就係我元朗地膽朋友既極力介紹，最後我發現呢個平時伏我多過好介紹既朋友今次⋯⋯無介紹錯！
即刻比返個食後報告大家。
食泰國菜有三寶必食：冬蔭功、生菜包同埋糯米飯。我平時都對泰國菜有返d要求，尤其呢三樣。
冬蔭功湯，泰廳既廚有返咁上下板斧，佢整個冬蔭功湯係要等的，而且一等就等10幾分鐘，點解？因為佢地話個師傅會落order先即刻煮比你，唔係就咁一煲不湯咁不出黎，我見個晚全場基本每檯客都叫，就知道唔少野。上到檯無呃人，椰汁啱啱倒落去，試一舊草菇係爽既，蝦肉唔會太老，真係即刻order即刻整。飲啖湯，一入口係酸酸辣辣之後香料味同埋蝦頭味就出啦，最後先係椰奶餘香，唔講得笑，個冬蔭功係有返咁上下水準。
生菜包就快上既，望落去見到有香茅葉、蔥頭、香菜、蔥炒過，肉碎間有辣椒，生菜包其實肉碎唔應該咁乾身，所以見到佢肉碎面頭有d光澤都有d信心，食落去香料味夠既，唔會一味死辣，起碼分到唔同香料味，不錯。
期間我地仲叫左生蝦同埋炒大蜆，我覺得生蝦黎講，煮就無分高低既，好睇隻蝦夠唔夠新鮮（姐係睇入貨有無誠意姐）泰廳就有既，起碼蝦肉爽而鮮甜，配埋酸辣汁點係開胃。
炒大蜆睇爐頭大哥，夠鑊氣既整多幾隻黎送飯都得，唯一有少少不足係唔夠汁，撈唔到飯，但味道黎講係水準之上，值得同你對面個個爭食既。
last，芒果糯米飯。
芒果夠甜，用既應該係泰國芒，而且個椰汁一d都唔同你慳，就咁一野車落去，啖啖飯都混有椰汁香味，而且白糯米同黑糯米都有，兩種唔同既口感可以隨便轉換，幾得意。
總括黎講，我會再次黎呢間小小既泰國餐館，無幾十個位，唔係豪華裝修，但係味道拍得住出面d大牌泰菜，重點係兩個人埋單$400唔洗，抵到。
張貼
