泰味屋

營業中

休息中

好耐冇食過泰國嘢啦，今次嚟到大坑梗係要試試新野啦！嚟到呢間泰味屋 ，梗係要試吓佢哋嘅海南雞飯。午餐真係好抵 ，大約$50到。呢個海南雞飯睇落簡單，其實好濃味。首先食咗佢哋嘅油飯 ，油飯帶點香味，飯都算分明。當然要試吓佢哋嘅海南雞啦，非常之嫩滑，咬落有陣陣嘅新鮮雞味，再配埋啲醬汁一齊食，真係好有海南雞嘅味道。隔離枱仲食緊金邊粉下次一定要試試。順帶一提佢哋嘅午餐係包嘢飲㗎，我就飲咗佢哋嘅泰式奶茶，都算夠傳統，好夠泰味呀。