喜泰味

營業中

休息中

今晚放工約咗個朋友係長沙灣食飯，本身中意食泰國菜既我地就簡咗呢間地點又方便，裝修又別緻既喜泰味，長沙灣地鐵站一出站就到啦！一入到嚟就有泰式蝦片食，啱曬啱啱放工覺得肚餓既我地，可以一路食一路等上菜！呢度既晚市有d好抵食既二人套餐，可以隨便選擇一個肉一個菜，跟餐重送埋兩杯嘢飲添！隆重介紹泰式炒通菜，爽口，火候夠配埋白飯， 食到我哋舐舐脷肉呢我地就簡咗半隻海南雞，肉質鮮嫩配埋個專點海南雞特製醬汁，好正！正宗泰式奶茶少冰都唔甜，啱我口味港式奶茶都係我至愛！最後一定唔少得要隆重介紹呢個芒果糯米飯，賣相吸引， 芒果新鮮酸酸甜甜， 上面配一球椰子口味嘅雪糕，配埋煙煙韌韌嘅糯米飯，口感味道都一流！