木船 (已結業)

木船呢間泰國菜好耐之前已經聽過，今日終於決家嚟試吓。首先位置好方便，太和站行5分鐘左右就到，而且有好大個招牌，好易就搵到！夜晚7點幾嚟到，個場都幾爆吓，都要等一陣先有位。坐落嚟一揭個餐牌，有版係介紹緊啲泰文，都幾有趣😂😂前菜嗌咗個泰菜最例牌嘅青木瓜沙律，份沙律好足料，甜酸再加少少辣，為味蕾帶嚟衝擊，亦都為嚟緊嘅嘢食開好個胃😋然後嗌咗個菠蘿炒飯，呢個炒飯攞嚟打卡一流，侍應真係成個菠蘿擺上檯，唔同第二啲餐廳可能淨係切半個菠蘿裝啲炒飯。個飯好足料！首先有啲燒過嘅菠蘿同大蝦，然後因係驚整淋所以另外伴碟嘅肉鬆。拎開上面嘅配料，見到啲飯真係裝到滿一滿，而且個菠蘿真係挖到好深，份量多到同朋友兩個人都食剩少少。講返啲得意嘢，見到隔離檯打包呢個菠蘿炒飯，真係會原個菠蘿咁俾佢地拎走，個場面都幾好笑😂另外仲嗌咗個小食拼盤，入面有魚餅，炸蟹鉗，春卷等等。小食都係新鮮炸好熱辣辣咁上檯，夠哂酥脆。嘢飲嗌咗杯泰茶，朋友就嗌咗杯「多啲乳酪」。杯泰茶飲落都幾正宗，上面加咗啲忌廉令杯嘢飲更加滑，而且又冇泰國飲個啲咁甜，切合返香港人口味。偷飲咗朋友杯雜莓乳酪幾啖，首先杯嘢望落成杯粉紅色咁已經好靚，飲落亦都好fresh👍🏻放