阿來泰式地道風味 (已結業)

聽過朋友講哩間泰國菜幾正宗，就試下啦！果然，一入到去就見到廚房入面既師傅係講泰文既。心裡面都已經有打算，應該夠曬地道啦！叫左個辣椒膏蝦頭油海鮮炒飯，椒鹽軟殼蟹，泰式蠔仔蛋，芒果糯米飯，最後緊係唔少得支啤酒啦。本身價錢唔貴，不過一上菜，真係O左咀，都好大碟下喔！！！個炒飯好多海鮮，每淡飯都有海鮮陪伴，大蝦都有幾隻。飯又炒得香，一粒一粒。食完個飯，結論已經變左唔單只係唔貴，係抵食。軟殼蟹不嬲都係我至愛。哩次食到我好開心。平時叫軟殼蟹得個兩三舊切左一半既蟹，哩碟係有成六七舊架！認真開心。蠔仔蛋有超超超多蠔，炒得好香，點埋個醬，真係唔錯。最後食甜品，個芒果酸左少少不過都OK，接受到。糯米飯就好味道，暖暖的，同個椰子汁好夾。朋友無介紹錯，又抵又地道又好食，之後都會介紹我屋企人黎食。