Orange Elephant Thai Restaurant (博文街) (已搬遷) 新店位置

今晚經過大角嘴，被橙象吸引左入去試，原因係佢鋪頭光猛闊落，坐得好舒服，仲有推廣1蚊優惠一個餸，我當然唔錯過呢個機會啦。加1蚊優惠一碟蝦餅，完全無欺場，新鮮即炸4大件蝦餅彈牙十足好足料。泰式滷水豬髀焗粉絲煲（$109）粉絲煲好大煲又足料，好香黑椒味，滷水豬髀碎上但份量都好足夠，豬皮香滑富膠質，另外有好多配料，感覺抵食又夠鑊氣。冬蔭功湯明爐烏頭魚 （$169）好大條烏頭魚配着濃濃的冬蔭功湯底，配着大量秀珍菇加車厘茄，佢仲另上一大碗冬蔭功湯，所以169蚊好抵食，肉質鮮滑唔會老，又滲透着泰式冬蔭功嘅味，比傳統明爐烏頭更口感豐富。椰青大而厚肉，又夠凍。係一間性價比高嘅泰式餐廳，價錢又唔貴。