泰爸爸

營業中

休息中

今日行經奧海城，見到呢間泰國餐廳有露天座，感覺好似去左泰國咁，於是同老婆試下。飲品點了龍眼冰，味道好清甜，甜度岩岩好，仲有好多龍眼。首先來了串燒，豬肉雞肉各三串，燒得好靚，本身已經茶左沙爹醬，唔會燒到好乾，隨碟再有沙爹醬可以點，沙爹醬好重花生同香茅味，非常夾，我同老婆都覺豬肉比雞肉入味。之後有個燒牛柳沙律，牛柳非常多，燒到7成熟左右，配上青瓜、洋蔥、椒絲，食落去好多口味，沙律愈食愈辣，怕辣就唔建議點。到了重點菜明爐烏頭，用左唔辣既冬蔭冬湯底，酸酸地又好重香料味，一路煮一路食，愈食愈入味，湯底唔會太咸，食到最後連湯都飲埋，老婆話多D椰菜就好，因為椰菜吸晒湯既精華。