公車泰國餐廳

營業中

休息中

今日去食泰國菜，搵左一間泰國餐廳門口有大玻璃裝修又幾靚，見又坐得舒適全部座位又有卡位坐。龍眼冰好足料好多龍眼肉，杯飲品又夠味道，龍眼肉又有甜味👍👍👍泰式海蜇，海蜇好爽脆又大大塊，酸酸甜甜幾開胃，醬汁又好好味。泰式火車炒飯飯炒到粒粒分明，有雞肉又大大塊，雞蛋和蕃茄粒一起炒，炒到好香又好好味。小食拼盤（細）有蝦片，蝦餅，魚餅，沙嗲雞和豬串燒和春卷，蝦片好鬆脆又啖啖蝦味，，雞和豬串燒燒到好香沾上沙嗲醬更加美味可口。蝦餅好爽彈又有蝦肉魚餅冬陰功味好香又彈牙。春卷炸到好香口，外層又好鬆脆又好味道。