影片
更多
2023-01-09
30 瀏覽
咁啱見到依間餐廳好似幾掋食，二人餐可以揀三樣嘢食都係$248, 嘢飲仲可以用半價嘅價錢買。我哋先叫咗個泰式小食拼盤(小)小食拼盤入邊有蝦餅、春卷、雞翼同埋串燒。可以分別點泰式酸辣醬同埋沙嗲醬。一碟有幾款唔同嘅小食，係一個幾好嘅前菜。招牌焗黃咖喱麵包軟殼蟹一上碟見到麵包入邊裝住滿瀉嘅軟殼蟹同埋咖喱汁覺得好澎湃。兩個女仔食非常之飽肚，咖喱汁香濃，只係少少辣而且帶少少甜味，啱晒點麵包食。軟殼蟹炸得鬆脆，而且夠晒大件。豬頸肉啫通菜煲(馬拉盞)次次食泰菜，一定要通菜。通菜同埋馬拉盞非常之夾，入邊落咗啲辣椒所以有少少辣。另外豬頸肉份量都多，而且夠晒肥美。同朋友各自點左芒果芝士沙冰同埋菠蘿芝士沙冰。又幾有驚喜，未試過菠蘿再加芝士嘅感覺。入邊仲飲到一絲絲嘅菠蘿蓉，所以有好香嘅菠蘿味，再加埋芝士，成杯嘅感覺非常邪惡。
咁啱見到依間餐廳好似幾掋食，二人餐可以揀三樣嘢食都係$248, 嘢飲仲可以用半價嘅價錢買。
我哋先叫咗個泰式小食拼盤(小)
小食拼盤入邊有蝦餅、春卷、雞翼同埋串燒。
可以分別點泰式酸辣醬同埋沙嗲醬。一碟有幾款唔同嘅小食，係一個幾好嘅前菜。
招牌焗黃咖喱麵包軟殼蟹
一上碟見到麵包入邊裝住滿瀉嘅軟殼蟹同埋咖喱汁覺得好澎湃。兩個女仔食非常之飽肚，咖喱汁香濃，只係少少辣而且帶少少甜味，啱晒點麵包食。軟殼蟹炸得鬆脆，而且夠晒大件。
豬頸肉啫通菜煲(馬拉盞)
次次食泰菜，一定要通菜。通菜同埋馬拉盞非常之夾，入邊落咗啲辣椒所以有少少辣。另外豬頸肉份量都多，而且夠晒肥美。
同朋友各自點左芒果芝士沙冰同埋菠蘿芝士沙冰。又幾有驚喜，未試過菠蘿再加芝士嘅感覺。入邊仲飲到一絲絲嘅菠蘿蓉，所以有好香嘅菠蘿味，再加埋芝士，成杯嘅感覺非常邪惡。
張貼
