泰廳 (已結業)

今日入到元朗覓食,要食好西咁話。心思思想食泰國菜,一於就搵間多人大讚既去食!!一望到呢間餐廳就好有泰國風味,店內環境似係新裝修,店內好多美食圖片令人垂涎欲滴,而我地既周圍都有充滿泰國特色既裝潢,令我最深刻印象係天花板既燈飾,係模仿蓮花池,真係好靚呀!好啦,希夠啦,係時候要醫下肚仔先。小食:$79鳳尾蝦春卷。呢個春卷好有誠意,內面真係有鮮蝦,再配有蝦滑,熱辣辣送上檯面,配埋醬汁一齊食,食得好開心。海鮮:$98蒜蓉焗青口(泰式咖哩焗),新鮮得黎無沙又大粒,一人三隻,三二下青晒凡惠顧海鮮類可以以$29加蒜蓉包1客如果你自問好鐘意食蒜蓉包一定要點!!佢真係搽超多鮮蒜同牛油落個包包到,唔止搽單邊,係四邊滿滿都係,呢個我會比爆分。開頭以為1客係兩塊仔,點知係成磚咁大,重要唔止一舊。即刻取消個白飯xD$99鐵皮蠔仔蛋。非常足料,夠香口,下面有D芽菜係到索油。$79泰式咖哩牛腩(黃咖哩),超大份量,用蒜蓉包點D咖哩真係一流,今晚真係好滿足。飲品:食泰國菜wo,無枝$35象啤(Chang)點得呀!!今次一試呢一間人流量多的泰廳,佢既食物的確令我地好難忘,如果去開元朗既你,真係要試下。份量大價錢合理的泰國