Mango Tree

營業中

休息中

今次去咗圓方食泰國菜，之前去過呢間餐廳食下午茶，覺得幾唔錯，近排見佢出咗新menu，一於去試試！酸辣鮮鮑魚沙律鮑魚有四隻，已開邊方便食用，入口厚肉爽彈，配泰式酸辣汁，酸酸辣辣非常開胃。龍蝦海鮮泰北咖喱撈麵平時食嘅泰北咖喱撈麵都係配雞鎚，而呢到係配龍蝦海鮮，顯得格外矜貴。除咗龍蝦之外，仲有兩隻扇貝同原條鮮魷，非常豐富。麵條分為兩種，一種係炸脆，另一種係煮軟，撈埋咖喱汁一齊食有雙重口感，咖喱汁濃稠，椰汁味重，但唔會好辣，越食越滋味。椰汁青咖喱美國西冷扒西冷扒都幾大塊，煎至五成熟，裡面仲係粉嫩嘅顏色，肉質厚實，味道香濃多汁，切成薄片方便食用，配上集酸、辣、甜於一身嘅青咖喱汁，簡直係衝擊味蕾。泰式辣汁燒原隻扇貝扇貝有三隻，火喉控制得宜，肉質嫩滑，泰式辣汁越食越惹味。粟米椰子新地自家製椰子雪糕，椰子味非常濃郁，真的超讚，加上粟米粒同椰青肉，令口感更豐富。泰式甜品拼盤有好多種甜品都想食，索性貪心啲叫個拼盤，拼盤有芒果糯米飯、斑蘭千層糕、椰汁西米糕、椰青糕等，今次真係大滿足。Mango Tango呢款係無酒精飲品，新鮮芒果汁加上橙汁，酸酸甜甜啱曬夏天飲。