泰妹餐廳 (The Wave) (已結業)

接朋友係呢頭收工食飯，忽然想食泰菜就諗起呢間，打開餐牌見有個泰妹二人餐，望落食物及價錢都吸引，就呢個啦!指定前菜係油甘魚刺身伴青木瓜沙律， 可以用油甘魚包住青木瓜絲一齊食，一軟一硬，兩種口感，混入泰式酸辣汁，稍為蓋過左油甘魚嘅味道，呢個泰日crossover，有D驚喜!其餘兩款就飲得多，反而呢個泰式魚肚羹就未試過，鐵鍋上能保持熱度材料除左主角爽口魚肚外，仲有厚身冬菇，食起黎夠口感; 少量鷄肉，整體感覺有點似港式碗仔翅，但湯底就無咁杰身，加埋隻滷水蛋，味道唔錯!惹味之選黎個馬拉盞炒芥蘭，份量足夠二人食有多，有D辣度，部份芥蘭過於"成熟"......哈..哈....!包餐飲，最愛青檸梳打，唔甜又有氣，啜一啖爽晒係飯與河粉之間，今晚係泰式海鮮乾炒河粉勝出，以多款海鮮 (魷魚，青口，蝦及蟹柳)加入雜菜及鷄蛋炒炒得幾乾身，河粉切至細段容易夾起，唔會一PAT PAT，加入鷄蛋增加香度; 帶點辣度，想再辣D，可以叫侍應提供辣椒粉，加少少仲惹人胃口!最後上埋個甜品，就係泰式甜品拼盤，分別有類似大菜糕及椰汁西米糕，一個爽口一個椰香甜美，傳統大路之選，岩食!