影片
更多
2016-03-08
484 瀏覽
仲以為今晚可以食美味泰菜添，專登打話叫外賣加埋來回的士錢架！一食就知唔係泰婆出貨，您去左邊度蒲呀？完全唔合格呢，質數及味道都差天共地，非常失望啊。泰式冬陰功湯，嘩 ﹗咩料呀？勁酸得誇張，飲醉都會睜開眼呀 ﹗完全係勁酸既熱青檸汁，將所有蕃茄味、椰奶味、辣椒味完全蓋過，唔係飲開既味道，兩啖放棄。我可以非常肯定今晚泰婆主廚休息，出品根本唔會谷底既質數，劣 ﹗泰式炸蝦餅，蝦膠死實實無鮮味，十足外購翻熱食物。不香口不鬆化，無新鮮油炸味道，溫度微暖，似微波爐翻熱囉。完全唔係那回事，唔好食既，莫非泰婆主廚係逢星期日休息？椒鹽雞軟骨，炸得金黃乾爽不油膩，又香又脆 ﹗大量炸蒜辣椒堆得滿滿，擋不住的酥香味。沾上炸蒜辣椒既雞軟骨味道香辣無比，略厚既炸粉不過份，口感一流，只係咸左少少囉 ﹗脆卜卜食得過癮。雞軟骨近年新興小食，細個時真係見都未見過。依家某些食店仲出埋豬皮、雞皮、雞籮友添 ﹗泰式生菜包，芫茜價錢大跌咩？落勁多芫茜囉 ﹗就連蔥都勁多，跟平時泰婆出品完全唔同。豬肉鬆味濃濕潤非常多汁，味道既香且辣，帶酸微甜，多姿多彩。用爽嫩生菜卷住食，好美味呢 ﹗食到唔停得口，連食三四個依然欲罷不能。泰式生蝦，必食之選
泰式冬陰功湯，嘩 ﹗咩料呀？勁酸得誇張，飲醉都會睜開眼呀 ﹗完全係勁酸既熱青檸汁，將所有蕃茄味、椰奶味、辣椒味完全蓋過，唔係飲開既味道，兩啖放棄。我可以非常肯定今晚泰婆主廚休息，出品根本唔會谷底既質數，劣 ﹗
泰式炸蝦餅，蝦膠死實實無鮮味，十足外購翻熱食物。不香口不鬆化，無新鮮油炸味道，溫度微暖，似微波爐翻熱囉。完全唔係那回事，唔好食既，莫非泰婆主廚係逢星期日休息？
椒鹽雞軟骨，炸得金黃乾爽不油膩，又香又脆 ﹗大量炸蒜辣椒堆得滿滿，擋不住的酥香味。沾上炸蒜辣椒既雞軟骨味道香辣無比，略厚既炸粉不過份，口感一流，只係咸左少少囉 ﹗脆卜卜食得過癮。雞軟骨近年新興小食，細個時真係見都未見過。依家某些食店仲出埋豬皮、雞皮、雞籮友添 ﹗
泰式生菜包，芫茜價錢大跌咩？落勁多芫茜囉 ﹗就連蔥都勁多，跟平時泰婆出品完全唔同。豬肉鬆味濃濕潤非常多汁，味道既香且辣，帶酸微甜，多姿多彩。用爽嫩生菜卷住食，好美味呢 ﹗食到唔停得口，連食三四個依然欲罷不能。
泰式生蝦，必食之選，今次不過不失啦，間中會有超質數出現 ﹗蝦肉夠晒鮮爽，但無即劏既黏口感覺，咬落溫度過低，係雪櫃出黎架喎，肯定唔係即劏啦。重點秘製酸辣汁，泰婆秘傅一擊必殺，酸辣香甜並重。
沙嗲雞串，燒得香口就夠晒香口喇，不過又乾又鞋又硬都有齊呢 ﹗毫無肉汁乾爭爭，機乎無醃極淡口，完全唔係那回事啦，失晒水準。自家沙嗲醬花生味濃厚，香甜帶滑，非常傳統正宗。
13 瀏覽
0 讚好
0 留言
泰式炸蝦餅
9 瀏覽
0 讚好
0 留言
椒鹽雞軟骨
14 瀏覽
0 讚好
0 留言
泰式生菜包
6 瀏覽
0 讚好
0 留言
泰式生蝦
18 瀏覽
0 讚好
0 留言
沙嗲雞串
11 瀏覽
0 讚好
0 留言
泰式冬陰功湯
8 瀏覽
0 讚好
0 留言
張貼
