泰妹餐廳 (已結業)

星期日去咗黃埔行街，行到差不多兩點鐘， 經過見到有間泰式餐廳， 門面裝修都唔錯， 再睇下個午餐餐牌都幾啱食，所以入去試下。 以泰式餐廳嚟講裝修都算幾新穎，設有卡位。 黃埔區嚟講午餐嘅價錢都唔算貴。無骨鳳爪沙律跟餐加28蚊嘅小食， 鳳爪嘅份量都幾多大概有十幾隻， 鳳爪食落去幾爽， 配泰式辣沙律汁， 酸酸辣辣幾開胃。蛋花黃咖哩軟殼蟹飯軟殼蟹炸得幾香口， 份量都有差不多一隻手掌咁大， 呢度嘅黃咖哩唔算好辣， 好香椰汁味， 咖哩汁加咗蛋花多咗層質感， 送飯一流。泰式去骨海南雞飯雞肉嘅質地嫩滑， 有雞味， 個飯係加咗黃薑粉， 香茅， 蒜頭等香料一齊煲， 令到個飯充滿香料嘅味道。椰汁冰餐廳實行咗走塑膠運動用紙飲管，好濃嘅椰汁味，甜度啱啱好， 唔會好漏。