泰妹餐廳 (已結業)

今日去左黃埔等女朋友，佢約左朋友係附近high tea，我去接佢走，順便係附近食個午餐。經過一間泰式餐廳，好耐無食泰國菜，就想去食個泰式午餐啦。2點去到泰式餐廳，人客依然好多。午餐餐牌選擇好多，款式好多元化，價錢好超值啊。我叫左海南雞飯，加錢轉左雞脾。一上枱已經好吸引，黃油油雞油飯，入口清爽唔會膩，食到陣陣雞湯濃郁味道。飯粒唔算好乾身，勝在粒粒都吸哂雞湯精華。雞肉好滑溜，清甜雞肉香，伴上海南雞一貫的三種醬汁，味道濃厚滿足。最愛吃甜醬油，雞脾肉值得一試。