泰式食

營業中

休息中

環境4分：樓上餐廳地方好大位夠闊，周邊有好多樹木同樹洞，猶如置身於森林內，好原始好raw，燈光暗暗地加埋七彩嘅裝修好涼好舒服，窗口位有景睇，可以畀四分。衛生4分：餐枱完全唔立，有叉，羮，紙巾呀咁，一樣可以畀四分。服務 5分：樓面顆記好熱心推介午市套餐每日十二點同三點都包左任飲湯同沙律，落完單五分鐘內有得飲同有得食，夠效率，比佢五分。味道4分：1)      例湯有泰式冬陰功同中式例湯選擇，紅蘿蔔例湯好清甜。2)      任食沙律好泰國feel。3)      個飛天通菜好有鑊氣，Ｄ菜唔油，好爽好脆，夠辣好野味。4)      個燒豬頸肉炒出前一丁Ｄ豬頸肉超爽又唔肥，出前一丁又夠乾爽，好好食。5)      泰式濕炒雞河粉Ｄ河粉大塊但夠薄，好軟好淋，Ｄ雞去曬骨又好juicy。抵食5分：五十幾蚊一個午市套餐包埋任食沙律同餐湯，凍飲都唔使加錢，要比加一都超抵，畀硬五分。