曼谷泰菜 (已結業)

同好朋友每年一度既團拜，今次揀左曼谷泰菜，是值新正頭，度度都人山人海，呢邊算唔等得太耐，好彩有朋友捱義氣先去攞飛。食親泰國菜我必點生蝦刺身，但可惜今日暫停，侍應話唔係咁靚今日無供應。不過無得食，總好過食質素差既蝦既。豬肉生菜包，豬肉辣辣地，有新鮮生菜包住食！另外仲有小食拼盤，忘記左影獨照，蝦餅同春卷各款都唔錯！炒芥蘭就一般，芥蘭唔靚，有渣。蝦醬臘腸炒飯都幾好食，不過就好似唔太有蝦醬味囉。個元寶仔係朋友車公廟買返黎，擺落去影相又幾過癮。糯米釀雞翼，我本人覺得怪怪地，可能因為Ｄ糯米飯有花生，我唔鍾意食花生。雖然枱與枱之間無乜空位，但張枱都夠大，叫多幾個餸都放到，我地大約7點幾入座，最尾都坐到成10點無趕我地走，期間侍應都好親切幫我地影相同埋加水，服務幾好。