Greyhound Café (海運大廈)

營業中

休息中

今日嚟到呢度食午餐，叫咗個香草辣椒炒豬肉碎配飯，甜品就叫咗泰式奶茶千層蛋糕。之前你食過呢個香草辣椒炒豬肉碎飯，覺得幾好食，尤其是係碗湯，碗湯係鹹酸菜豬肉湯，直頭幫個飯加咗好多分，不過今次個香草辣椒豬肉碎飯唔夠香，可能係香草比較少，同埋最主要係隻煎蛋，煎得太熟好少蛋黃流出來，非常失敗因為蛋黃才是重點（對我來講😅）。以前都鍾意食千層蛋糕尤其是係椰子，今次就特登轉下個新口味試吓泰式奶茶千層蛋糕，第一啖食落去茶味非常濃郁，而且亦都夠甜，一向泰式奶茶都比較濃味同埋甜，但係呢個蛋糕又唔會話甜到好誇張啱啱好，我覺得佢好食過椰子味千層蛋糕。